Џем од јагоди готов за 10 минути

Џемот од јагоди е еден од најубавите кои може да го направите за многу брзо време. Со него може да полните колачиња, да мачкате парчиња леб или да го декорирате сладоледот.

За овој рецепт потребни ви се:

• 700g свежи јагоди
• 150g шеќер
• 1 до 1 ½ супена лажица свежо цеден сок од лимон
• 2-3 лажици екстракт од ванила

Постапка:

Измијте ги јагодите, отстранете им ги дршките и исечете ги на четвртини. Ставете ги во големо тенџере и додајте го шеќерот.

Покријте со капак и почекајте да зоврие. Промешајте неколку пати и почекајте да се направи бела пена која ќе ја отстраните со лажица.

Варете околу 10 минути, сметајќи го времето од моментот кога смесата зоврила.

2 минути пред да го тргнете џемот, додадете го сокот од лимон и измешајте. Додајте го и екстрактот од ванила, ако сте се одлучиле да го користите.

Добиениот џем ставете го во стаклени тегли или пластични садови со херметички затворени капачиња.

Не го чувајте подолго од 2 недели.