Вашиот нов омилен рецепт: Слатки, шарени кифлички

Покрај тоа што ќе ви го привлечат погледот, откако еднаш ќе ги пробате постојано ќе си наоѓате повод по кој ќе ги правите.

Можете да ги послужите за појадок, како десерт или лесна ужина за децата, во секоја варијанта се подеднакво вкусни и сочни.

За овие шарени кифлички потребно ви е:

• 500g брашно
• 2dl масло
• 2dl млеко
• 1 квасец
• 1 прашок за печиво
• Малку сол
• 3 супени лажици какао

Прелив:

• 2dl вода
• 400g шеќер

Подготовка:

Сите состојки освен какаото помешајте ги во еден голем пластичен сад. Тестото поделете го на 2 еднакви дела и во едниот додадете го какаото.

Двете добиени теста посебно измесете ги и формирајте правоаголници како да правите ролат. Така направените теста исечете ги на 6 еднакви делови.

Топчињата посебно размесете ги додека не добиете круг од 2-3 сантиметри. Потоа спојте еден бел и еден кафен круг, па нежно преминете преку нив со сукало за да се залепат. Исечете на 12 триаголници.

Секој триаголник замотајте го во кифличка. Кифличките печете ги додека не поруменат.

Додека се уште жешки, потопете ги во шербетот кој ќе го направите од 2dl вода и 400g шеќер.

По желба, може да изрендате чоколадо или да проросите кокос.