Лесно и кремасто: 3 слатки фантазии готови додека трепнете

Иако долго подготвуваните десерти со кори, преливи и филови се највкусни, вие не мора да поминувате со часови во кујна затоа што сега ги имате овие 3 рецепти.

Овошен куп - готов за 7 минути

Со миксер изматете 500ml неутрална павлака и по желба додадете една кесичка ванилин шеќер. Потоа во стаклена чаша редете ред овошје по желба, ред павлака додека не ја наполните. Замрзнете половина час и пред служење проросете рендано чоколадо.

Чоколаден мус - готов за 15 минути

Истопете 70g чоколадо на пареа, а 500ml неутрална павлака изматете со миксер. Рачно соединете ги состојките. Ставете во стаклени чаши и оставете да се оладат во фрижидер. Послужете со овошје или бисквити.

Тирамису во чаша - готов за 20 минути

Изматете 2 жолчки со 1 лажица шеќер и додадете ја смесата во претходно изматени 500ml неутрална павлака. Додадете и ванилин шеќер. Земете една широка стаклена чаша, наредете бисквити или пишкоти потопени во инстант кафе, па потоа ставете го филот. Постапката повторете ја 2-3 пати, зависно од големината на чашата. Проросете со какао и оставете да се олади во фрижидер.