Потпечени праски со сладолед од ванила
Ако сте во потрага по десерт кој се спрема брзо, лесно, а притоа создава цела „симфонија“ вкусови и ароми, тогаш дефинитивно треба да ги пробате овие потпечени праски.
Од самиот поглед на сликата ќе ви потечат лиги, затоа веруваме дека веднаш ќе го испробате.
Потребен ви е половина час и следниве состојки:
- 4 праски
- Путер
- Мед
- Сладолед од ванила
- Бадеми или чоколадо
Подготовка:
Запалете ја рерната на 180 степени. Праските измијте ги, пресечете ги на половина и отстранете ги семките.
Ставете ги половинките на една тава за печење, свртени со средината нагоре.
На секоја половина ставете коцка путер и прелијте со 1 лажичка мед
Ставете ги во рерна и печете 20 минути. Путерот треба да е стопен, а медот карамелизиран, така ќе знаете дека се готови.
Послужете ги топли со топка сладолед во средината и проросени исечени бадеми или трошки чоколадо.
Би можело да ве интересира:
Препорачуваме
Најчитани неделава
