Летно освежување: Ладни салати за кога ќе ве мрзи да готвите

Кога едноставно ќе ви биде премногу топло за да го вклучите шпоретот и нема да ви се стои над тенџерето со часови, ви предлагаме да си подготвите една од овие салати.

Медитеранска салата

Состојки:

• 400g орзо (тестенини во облик на ориз)
• 1 мала главица виолетов кромид
• 1 голема пиперка
• 10-20 маслинки
• 200g сирење по вкус
• Маслиново масло
• Сол

Подготовка:

Орзото сварете го како и сите тестенини, процедете и изладете.

Пиперката, кромидот и сирењето исечете ги на коцки, а маслинките на кругови.

Додајте сол и маслиново масло и добро промешајте.

Салата со туна и пченка

Состојки:

• 1 конзерва туна на парчиња
• 1 конзерва пченка (средна големина)
• 7 кисели краставички
• 200g тестенини
• 100g кисела павлака
• ½ кромид
• 1 мала кесичка мајонез
• Сол, зачини

Подготовка:

Во еден сад ставете го мајонезот заедно со павлаката и промешајте. Додадете ги сечканите кисели краставици, туната, исечканиот кромид и на крај пченката.

Потоа додадете ги сварените тестенини и измешајте.

Сурими салата

Состојки:

• 150g сурими стапчиња
• 300g тестенини (по желба, може и без тестенини)
• 2 зелени пиперки
• 1 мал кромид
• 2 домати
• 2 лажици мајонез
• 200g кисела павлака
• 1 лажичка сенф
• Сол

Подготовка:

Сварете ги тестенините и сурими стапчињата. Исцедете ги и изладете ги.

Зеленчукот исечкајте го на крупни коцки и измешајте го со павлаката, мајонезот и сенфот.

Исечете ги сурими стапчињата на 3-4 парчиња и додадете ги во садот со салати. На крај додадете ги и макароните.

Сите салати задолжително оладете ги пред послужување.