Замрзнати коцки од чоколадо и путер од кикирики

Комбинацијата на солено благиот вкус на путерот од кикирики совршено се вклопува со богатиот вкус на чоколадото, па затоа овие слатки и брзи коцки се идеалниот рецепт кој ви треба за летово.

Добро одат после кафе или после летниот ручек, а нивна предност е што можете да ги направите и со денови да ги чувате во замрзнувач.

Кога сакате само исечете неколку и уживајте.

За подготовка потребни ви се следниве состојки:

• ½ шолја путер
• 1 шолја и 2 лажици кремаст путер од кикирики
• 1 шолја измелени бисквити
• 1 шолја шеќер во прав
• 200g искршено чоколадо

Подготовка:

Во стаклен сад ставете го путерот и стопете го во микробранова. Потоа додадете ја шолјата со путер од кикирики, кршените бисквити и шеќерот во прав. Мешајте додека не се соединат состојките.

Во тава со средна големина ставете пластична или алуминиумска фолија и нанесете ја смесата рамномерно. Оставете да се олади 1 час.

Во меѓувреме истопете ги 2-те лажици путер од кикирики со чоколадото. Добиената смеса ставете ја во тавата.

Оладете уште 1 час, а потоа сечете коцки.