Појадок кој ви ветува добар ден

Добро знаете дека појадок е најважен оброк во денот. Тој може да ви го направи денот поубав, поенергичен и секако добро да ве подготви за престојниот ден.

Токму затоа, важно е да одберете нешто што ќе ви го направи денот поубав.

Еве неколку предлози:

1. Кремасто овошен појадок во тегла

Немате време дома да појадувате, па тоа го правите на работа? Понесете си здрав оброк во тегла.

Потребни состојки:

• 8 лажици јогурт
• 2 лажички мед
• Малку цимет
• 3 лажици малини
• 2 лажички чиа семе

Подготовка:

Сите состојки соединете ги и ставете ги во теглата која ќе ја понесете со себе на работа.

2. Енергетска бомба

Потребни состојки:

• 8 лажици јогурт
• 3 лажички мед
• 4 суви сливи
• 2 суви смокви
• Малку боровници
• 4 бразилски ореви
• 1 банана
• Ореви по желба

Подготовка:

Бананата исечкајте ја, помешајте ги сите состојки и на крајот додадете го јогуртот.

3. Омлет во тегла за 3 минути

Потребни состојки:

• 2 јајца
• 1 лажичка сечкана шунка
• 1 мал сечкан домат
• 1 лажица сирење
• Маслиново масло
• Сол
• Бибер

Подготовка:

Премачкајте една шолја со маслиново масло, во неа изматете ги јајцата и додадете ги доматот, сирењето, солта, биберот и шунката. Ставете ги во микробранова на една минута, извадете ги и добро промешајте ги и вратете ги на допекување уште 40 секунди до 1 минута.

Теглата каде ќе го ставите омлетот можете дополнително да ја декорирате со свеж зеленчук по желба.