Ручек набрзина: Компир карбонара со топен кашкавал и сланина

Едноставен рецепт кој се прави брзо, не бара врвни кулинарски вештини, а е сочен прилог или главно јадење.

Потребни состојки:

• 1kg компир
• 1 мал кромид
• 150g сланина
• 300ml слатка павлака
• 80g кашкавал по желба
• 1 јајце
• Сол
• Зачини по желба

Подготовка:

Компирите добро измијте ги, излупете ги и исечете ги на дебели кругови. Сварете ги во зовриена вода околу 10 минути. Не треба да ги преварите, затоа што допрва ќе ги печете.

Помешајте ја павлаката со јајцето, кашкавалот и зачините.

На тава за печење наредете ги проварените компири, па прелијте ги со павлаката.

Пропржете ги сланината и кромидот на малку масло, па додадете ги во тавата.

Измешајте додека сосот не се промеша добро со сите компири.

Вклучете ја рерната на 200 степени и печете 20-30 минути. Ако компирот е недопечен, продолжете го времето за 10 минути.

Сервирајте додека топло. За побогат вкус може да ставите малку пармезан одозгора.