Едноставен колач од бисквити и пудинг за 10 минути

Ова е уште еден брз и лесен десерт кој ќе го изедете уште побрзо отколку што сте го подготвиле. Кремаст е и чоколаден, па совршен е за послужување во секоја пригода.

Потребни состојки:

• 1,5 l млеко
• 100g чоколадо за готвење
• 4 чоколадни пудинзи
• 8 лажици шеќер
• 300g бисквити
• 2 кесички ванилин шеќер

Подготовка:

Во 300ml млеко измешајте ги пудинзите и сварете во остатокот од млекото со шеќерот и кесичките ванилин шеќер.

Во сварениот пудинг, додека е уште жежок додадете го чоколадото и мешајте да се растопи.

Во друг округол сад или тава ставете ги бисквитите искршени на парчиња. Прелијте со пудинг и мешајте.

Израмнете и обложете го колачот со проѕирна фолија. Откако добро ќе се олади можете да сечете парчиња или да вадите форми со калапи.

Декорирајте со овошје и чоколаден прелив.