3 брзи рецепти кои можете да ги подготвите во шолја за кафе

Понекогаш кога ќе се вратите дома од работа не ви се седи долго во кујната и посакувате да имате ручек кој ќе биде што можно побргу подготвен. Во тие моменти можете да посегнете по една шолја кафе за секој член од семејството и во неа да подготвите брз и вкусен оброк.

Еве неколку предлози:

Киш во шолја кафе

Потребни состојки:

• 1 Јајце
• 6 Лажички млеко
• Сол
• Бибер
• Малку кршен леб
• 2 Лажички сечен кашкавал
• 1 Лажичка сечкана сланина
• Сенф

Подготовка:

Изматете ги јајцето и млекото заедно во шолја кафе. Додадете сол и бибер по желба. Ставете ги лебот, кашкавалот и сланина во шолјата.

Ставете ја шолјата во микробранова печка околу 70 секунди и на крајот додадете го сенфот.

Инстант макарони со кашкавал

Потребни состојки:

• 1/3 Шолја макарони
• 1/2 Шолја вода
• 1/4 Шолја млеко
• 1/2 Шолја сечкан кашкавал

Подготовка:

Ставете ги макароните и водата во голема шолја, а потоа во микробранова печка околу 2 минути. На кратко извадете ја шолјата и промешајте. Постапката повторете ја 3 до 4 пати се додека водата не е целосно апсорбирана од макароните.

Откако ќе ја извадите шолјата од микробрановата печка, ставете ги млекото и кашкавалот и промешајте ги. Смесата оставете ја уште 1 минута во микробранова.

Мелено месо во шолја

Потребни состојки:

• 2 Лажици млеко
• 1 Лажица кечап
• 2 Лажици овесни снегулки
• 1 Лажица супа
• 100g Мелено месо
• Дополнителен кечап по желба

Подготвка:

Во мала шолја измешајте ги овесните снегулки, кечапот, супата, млекото и месото. Покријте ја шолјата со алуминиумска фолија и ставете ја во микробранова печка 3 минути. Отворете ја алуминиумската фолија и ставете ја шолјата уште три минути во микробрановата.

Оставете ја шолјата малку да се олади, а потоа ако сакате можете да додадете уште кечап.