3 десерти кои можете да ги направите во шолја за кафе

Кога немате многу време и трпение за филови, калапи и сложени кори, земете ја омилената шолја за кафе. Наполнете ја со некоја од овие смеси и за 10тина минути имате десерт од соништата.

Чоколаден колач

Потребни состојки:

• ¼ шолја брашно
• ¼ шолја шеќер
• ¼ шолја квалитетно какао
• Прстофат сол
• ¼ шолја млеко
• ¼ шолја путер, растопен
• 2 поголеми јајца, лесно изматени
• 1 лажица екстракт од ванила
• ¼ шолја кршено чоколадо по желба

Подготовка:

Во мал сад измешајте го брашното со шеќерот, какаото и солта. Додадете го стопениот путер, млекото, јајцата и ванилата. Мешајте додека не добиете густа смеса. На крај додадете го кршеното чоколадо. Поделете ја содржината во 2 шолји и печете во микробранова 2 минути на висока температура. Декорирајте со уште неколку коцки чоколадо, додека колачот е топол.

Пита од јаболка во чаша

Потребни состојки:

• 1 исечкано и излупено јаболко
• ½ лажица брашно
• 1 лажица путер
• ¼ лажица цимет
• 1 лажица шеќер во прав
• Неколку капки сок од лимон
• 3-4 путер колачиња
• Сладолед или шлаг крем за декорација

Подготовка:

Исечканото јаболко ставете го во шолја, па додајте ги сите состојки освен колачињата и сладоледот или шлаг кремата. Ставете во микробранова 2-3 минути на висока температура. Оставете 30тина секунди да се олади, па потоа искршете ги колачињата на ситни парчиња и прелијте со сладолед или шлаг.

Палачинка во шолја

Потребни состојки:

• 1 лажица путер
• 2 лажици слатка хопла
• 1 јајце
• ½ лажичка прашок за печиво
• Прстофат сол
• ¼ шолја брашно
• Крем, овошје или слатко како додаток

Подготовка:

Стопете го путерот 30 секунди во микробранова. Распоредете го по страните на шолјата. Додадете ги сите состојки и мешајте додека не се соединат, без грутки. Ставете го тестото во микробранова минута до минута и половина на висока температура. Прелијте со крем, слатко или овошје и уживајте.