Десерт со арома на есен: Полнети јаболка

Есента претставува идеален период за подготовка на вкусни специјалитети кои во себе ги содржат сезонските овошја. Ова посебно важи за јаболката. Од нив не мора да ги подготвите типичните десерти како штрудлата, туку можете да подготвите нешто невообичаено.

Овој пат предлагаме интересен, едноставен и невообичаен сладок десерт од јаболка.

Потребни состојки:

• Јаболка (број по желба и број на личности кои ќе го пробаат десертот)
• Шеќер
• Цимет
• Готово тесто

Подготовка:

Земете големи јаболка и со помош на нож или лажица извадете ја внатрешноста.

Испасирајте ја внатрешноста од јаболката со шеќер и цимет (количина по желба) и ставете ја во јаболката.

Одозгора ставете плетенка од тесто (лиснато или обично).

Ставете ги јаболката во тепсија во која претходно ќе ставите вода.

Печете ги во загреана рерна на 250 степени околу 20-на минути или додека тестото не зарумени.

Извадите ги јаболката од рерната и уживајте во својата вкусна креација.

Бонус совет: Можете да експериментирате и да додадете состојки по ваша желба како: ореви, суви кајсии, мелени бисквити или мармалад.