Готова за 20 минути: Карамел торта

Брзинска варијанта на неодоливата торта „Карамела бакнеж“ која може да ја направите додека трепнете.

Нема печење и комплицирани филови, само загревање и ладење на состојките.

Потребно ви е:

За подлога

• 250g мелени бисквити
• 100g маргарин
• 4-5 лажици млеко

За крем

• 100g карамели
• 300ml слатка павлака за шлаг
• 100g маргарин
• Ванила арома, по желба

За глазура

• 100g млечно чоколадо
• 50g чоколадо за готвење
• 2 лажици шеќер
• 250ml слатка павлака за шлаг
• 30g маргарин

Подготовка:

Стопете го маргаринот за подлогата, па прелијте преку мелените бисквити. Додајте го и млекото, измешајте, па во еден овален сад со средна големина обликувајте подлога.

Во слатката павлака за крем додајте ги карамелите и мешајте додека не се стопат. Додајте ги маргаринот и аромата откако ќе го тргнете тенџерето од оган.

Оладениот крем истурете го врз подлогата. Ставете во фрижидер неколку минути додека се стегне.

Во меѓувреме загрејте ја павлаката за глазура, па додајте ги чоколадото и маргаринот. Мешајте додека не се стопат и разладете.

Прелијте преку кремот од карамел, па повторно вратете во фрижидер неколку часа.

Сечете тенки парчиња и декорирајте по желба.