Есенски деликатес: Вкусна пита со сливи

Доколку сакате да пробате вистински есенски деликатес, питата од сливи е идеален рецепт. Нејзиниот богат вкус е нешто посебно, а сега е вистинско време да ја направите.

Потребни состојки:

За тесто:

• 300g брашно
• 100g шеќер
• 100g путер
• 1 јајце
• 2 лажици млеко
• 1 лажица прашок за печиво
• 1 кесичка ванилин шеќер

Фил:

• 600ml млеко
• 2 пудинзи од ванила
• 10 лажици шеќер
• 200g Маскарпоне
• 500g кисела павлака

И уште:

• Околу 600g исчистени зрели сливи
• 2 лажици шеќер
• 1 кесичка ванилин шеќер

Подготовка:

Калап со пречник од 24cm намачкајте го со путер и посипете го со брашно.

Подготовка на тестото:

Путерот исечете го на прачиња и додадете го во брашното, измешајте ги малку за да се растопи путерот и да добиете растресита смеса.

Додадете ги и останатите состојки за подготовка на тестото и измесете глатко тесто.

Од тестото одвојте еден дел (околу 150g) и двата дела (и поголемиот и помалиот) ставете ги во фрижидер на половина час.

Потоа поголемиот дел од тестото распоредете го во калапот така што ќе се покрие целиот калап.

Подготовка на филот:

Разматете го пудингот од ванила со 5 лажици шеќер и 100ml млеко. Преостанатите 50ml млеко и 5 лажици шеќер ставете ги да вријат и откако ќе зовријат на нив додадете го разматениот пудинг. На готовиот пудинг веднаш додадете ги маскарпонето и киселата павлака и добро промешајте.

Оваа смеса се распределува на тестото, а потоа се додаваат исечканите сливи, обичниот и ванилиниот шеѓер.

Врз сливите грубо се ренда остатокот од тестото.

Питата се пече во претходно загреана рерна на 180 степени околу 35 минути.

Се остава да се олади, а потоа се става во фрижидер на неколку часа.

Може и преку цела ноќ за убаво да се стегне филот, тестото малку да омекне и да се соединат сите вкусови.

Се посипува со шеќер во прав.

Добар апетит!