Рецепт на денот: Солени обланди

Кога ќе сакате да послужите или каснете нешто солено, а брзо за подготовка, ви предлагаме солена варијанта на обланди.

Брзо се прават, лесни се и вкусни, а може да ги послужите за појадок како сендвичи или како прилог за ручек.

Потребни состојки:

• 1 пакување обланди
• 700g кисела павлака
• 200g сирење
• 3 сварени јајца
• 150g кисели краставички
• 50g печен сусам
• 200g шунка
• 180g кисела павлака

Подготовка:

Измешајте ги павлаката и сирењето. Сварените јајца изрендајте ги. Краставичките исечкајте ги на долги тенки линии.

Првиот лист обланда премачкајте го со филот од павлака и сирење, ставете мал слој сусам.

Вториот лист премачкајте го со филот од двете страни. Ставете го над првиот лист и на него наредете слој шунка.

Третиот слој обланди исто така, премачкајте го од двете страни и над него наредете ги киселите краставички.

Ставете го и четвртиот лист обланда и на горниот слој нанесете ги ренданите јајца и нанесете уште еден слој обланда.

Премачкајте ја со павлака и на неа нанесете го преостанатиот сусам.

Солените обланди оставете ги неколку часа да стојат, а потоа можете да ги сервирате.

Пријатно јадење!