Колач за 15 минути: Чоколадна бомба

Подгответе се за дупла доза чоколадо. Предноста на овој колач е што делува сочно и вкусно, а можат да го направат и почетници во кујната.

Може да го послужите додека е уште топол или добро оладен, изборот е ваш. Во секој случај, почоколадно нешто не сте пробале.

Потребни состојки:

• 2 јајца
• 1 кесичка прашок за печиво
• 125g путер
• 130g шеќер
• 80ml слатка павлака
• 180ml млеко
• 30g какао во прав
• 260g брашно
• 180g чоколадо за готвење

Подготовка:

Измешајте го брашното со прашокот за печиво во голем стаклен сад, а потоа додадете го шеќерот. Додадете го и какаото и растопениот путер во смесата.

Искршете ги двете јајца, ставете го млекото и мешајте додека не добиете густа смеса како за мафини.

Смесата претурете ја во огноотпорен сад премачкан со масло или путер. Печете 7-8 минути на средна температура.

Колачот проверете го со чепкалка. Ако тестото уште се лепи, вратете го и допечете уште 5-7 минути.

Оладениот колач превртете го на плитка чинија целосен, како што е.

Чоколадото истопете го заедно со хоплата додека не добиете еднолична смеса.

Прелијте го колачот со чоколадната глазура и декорирајте по желба.

Сечете поголеми парчиња и уживајте во чоколадната бомба.