По рецептот на баба: Лешник пуслици

Пуслиците се сладок десерт кој не потсетува на домот на нашите баби, кои традиционално го подготвуваат овој брз и едноставен рецепт уште многу одамна.

Па, доколку сакате да го почувствувате мирисот на свежо печени пуслици и во вашиот дом, можете да го пробате овој рецепт.

Потребни состојки:

• 3 белки
• 250g шеќер
• 1 лажичка оцет
• 250g лешници (половина мелени, половина цели)

Подготовка:

3-те белки сматете ги за да добиете цврста пена. Во белките додадете го шеќерот, лажичката оцет и мелените лешници.

Сè добро промешајте за да добиете компактна смеса.

Загрејте ја рерната на 120 степени. Земете еден поголем плех и обложете го со хартија за готвење.

Од смесата направете мали кугли со големина на лешник (пречник од 1.5cm) и на секоја кугла ставете по еден лешник.

Пуслиците печете ги додека не заруменат од доле. Превртете една со нож и проверете. Долу треба да бидат со златна боја, а на допир меки.

Извадете го плехот од рерна и оставете ги да се оладат.

На здравје!