Рецепт за зимска, празнична Сангрија која ќе ве стопли

Сангријата ве асоцира само на лето? Грешка! Треба малку да го модифицирате вкусот за да добиете совршен зимски пијалак кој ќе ве стопли подобро од чај.

Наместо портокали и лимони, користете ги плодовите на студеното време - крушки, јаболка, калинки...

Точниот рецепт кој ви го предлагаме за празнициве е следниот:

• 2 шишиња црвено вино со овошна арома
• 2 мали јаболка, исечкани на коцки
• 2 круши, исто така исечкани на коцки
• 1 исчистена калинка
• 1-сантиметар свеж корен од ѓумбир, ситно изрендан
• 1 лажичка цимет
• ½ шолја бренди или вотка (по желба)

Подготовка:

Ако користите вотка или бренди, јаболката потопете ги неколку часа во алкохолот.

Ставете ги парчињата јаболка, круши, калинките и изренданиот ѓумбир во еден длабок сад или голем бокал, па преку нив додадете го циметот.

Додадете го виното во садот, лесно промешајте и оставете ја Сангријата да отстои 2-3 часа пред послужување.

Во чашите задолжително ставете стапчиња цимет и неколку парчиња од овошјето. Додадете лимон по желба.