Пилешки стек на нов начин - полнет со спанаќ и кашкавал
Ако сте љубители на пилешко месо, но веќе ви е здосадено класичното подготвување на ова месо, ви нудиме интересен рецепт кој сигурно ќе ви се допадне.
Вкусен, здрав, лесен и брз со еден збор идеален за брз ручек кога ќе се вратите од работа и сакате да го изненадите партнерот со нешто убаво и здраво.
Потребни состојки:
- Масло
- 50g свеж спанаќ
- 50g сирење рикота
- 2 парчиња пилешки гради
- 20g кашкавал чедар
- Црвен пипер
- Сол
- Бибер
Подготовка:
Пропржете го спанаќот на малку масло околу 2-3 минути додека целосно не омекне. Додадете ја рикотата и гответе уште 30-60 секунди. Тргнете го настрана и оставете да се олади.
Направете засеци на пилешките гради на растојание од околу 1cm. Наполнете ги засеците со смесата од спанаќ и рикота. Зачинете го пилешкото со сол и бибер.
Изрендајте го чедарот и ставете го врз пилешките гради. Наросете со црвена пипер за да добие боја и посебен вкус.
Печете во претходно загреана рерна околу 25-30 минути на температура од 200 степени. Јадењето е готово кога кашкавалот ќе се стопи, а течностите ќе испарат.
М. С. | Црнобело
Би можело да ве интересира:
Препорачуваме
Најчитани неделава
