Кога ви треба брз ручек: Макарони со растопен кашкавал и кулен

Вкусот на пицата и макароните потопени во сочен сос од различни кашкавали - комбинирате различни вкусови, но она што го добивате се вашите омилени вкусови на едно место.

Доматен сос, кулен, топен кашкавал и многу јаглехидрати од макарони, веројатно ќе се согласите дека звучи одлично.

Па како можете да го направите овој рецепт?

Потребни состојки:

• 2 лажици масло (сончогледово или маслиново по желба)
• 1 мал сечкан кромид
• 2 лажици брашно
• 2 шолји млеко
• 2 шолји рендан кашкавал
• 1 лажица сушено оригано
• 150g кулен
• 500ml доматен сос
• 1 пакување макарони

Подготовка:

Загрејте ја рерната на 180 степени.

Во еден сад ставете ги макароните да се варат во зовриена вода.

Во сад загрејте го маслото, додадете го сечканиот кромид и мешајте додека не се запржи кромидот (отприлика 5 до 7 минути). Додадете го брашното, промешајте додека не добиете компактна смеса и потоа полека додавајте го млекото.

Мешајте постојано, додека не исчезнат грутките од брашното.

Додадете 1 ½ шолја кашкавал, оригано и кулен. Мешајте додека кашкавалот не се растопи целосно. Додадете го доматниот сос и претходно сварените макарони.

Префрлете ги макароните со сосот во една поголема тава или четири помали керамички чинии.

На секоја од нив додадете го преостанатиот кашкавал и ставете ги да се печат во рерна додека кашкавалот не се растопи и не добие златно жолта боја.

Послужете додека е топло.

Н. Г. | Црнобело