Без печење: Овошен Чизкејк

Прекрасен чизкејк кој ќе ги извлече најубавите бои од боровинките и најубавиот вкус кој долго ќе го паметите.

Нема кој не сака чизкејк, едноставно слатко задоволство кое изгледа совршено и воопшто не е тешко да го направите.

Со овој едноставен рецепт ќе научите како да направите чизкејк со боровинки за кој воопшто не е потребно печење.

Потребни состојки:

• 230g крем сирење, омекнато на собна температура
• 1/2 чаша неутрален јогурт
• 1/2 чаша неутрална слатка павлака
• 3 лажици шеќер
• 2 лажици сок од лимон
• 1 лажица желатин во прав
• 1 чаша замрзнати боровинки
• 3 лажици шеќер
• 2 лажици сок од лимон
• 2/3 лажица желатин во прав
• 85g искршени бисквити
• 3 лажици путер, стопен
• 10 свежи боровинки (за декорација, не се задолжителни)

Подготовка:

1. Во сад ставете ги замрзнатите боровинки, 3 лажици шеќер и 2 лажици сок од лимон. Ставете ги во микробранова 2 минути. Додадете 2/3 лажица желатин во прав и добро промешајте. Оставете ја настрана подготвената смеса.

2. Во друг сад измешајте го омекнатото крем сирење, неутралниот јогурт и половината од слатката павлака, 3 лажици шеќер и 2 лажици сок од лимон. Мешајте додека добиете хомогена смеса.

3. Загрејте ја преостанатата слатка павлака до точка пред вриење. Додадете 1 лажица желатин во прав за да се згусне. Додадете го ова во смесата со крем сирење и добро измешајте.

4.  Поделете ја смесата на три еднакви делови. Додадете ги сите боровинки и половина од течноста во едниот дел, преостанатата течност во вториот а третиот оставете го бел.

5. Искршете ги бисквитите и додадете им го омекнатиот путер и убаво измешајте. Добиената смеса распоредете ја во калапот за торта и почнете со редење на слоевите почнувајќи од најтемниот. Оставете ја во фрижидер 2-3 часа. На крајот декорирајте со свежи боровинки и шеќерен цвет.

М. С. | Црнобело