Десерт во шолја: Сладок француски тост

Францускиот тост во шолја е новиот револуционерен рецепт кој ќе ви ја смени перцепцијата за тоа како треба да изгледа вашиот појадок или десерт.

Ванилата и циметот се состојките кои со својот богат вкус ќе направат ваше будење и појадок да бидат акт на хедонизам и вистинско уживање.

Ако пак се решите да го послужите како десерт, очекувајте само комплименти и молби за рецептот.

Всушност, подготовката е повеќе од едноставна:

Состојки:

• 80 ml млеко
• 2 поголеми јајца
• 1 лажичка екстракт од ванила
• ½ лажичка цимет
• 1 лажица путер, стопен
• 4 парчиња леб исечен на коцки
• 1 лажица додатоци по желба (рендано чоколадо, суво овошје или јаткасти плодови) за секоја чаша
• шеќер во прав и мед или овошен сируп за декорација

Начин на подготовка:

Во поголем сад измешајте ги млекото, јајцата, екстрактот од ванила и циметот.

Премачкајте ја внатрешноста од чашките со путер.

Секоја од чашките наполнете ја до пола со леб и ставете додатоци (чоколадо, овошје или јаткасти плодови) и повторете ја постапката неколку пати.

Секоја од чашките прелијте ја со мешавината од млеко, јајца, ванила и цимет.

Ставете ја секоја од чашките во микробранова на висока температура од минута до минута и половина.

Послужете го десертот во шолја топол и декориран со шеќер во прав и мед или овошен сируп.

М. С. | Црнобело