Посен ручек кој ќе го поделите со пријателите: Крцкави рози од компир

Полека, но сигурно се наближува Велигден, а дотогаш веројатно сте се одлучиле да постите, па компирите и оризот ви се главен извор на полнење на стомакот.

Имаме интересен рецепт за печење на компири со кои не само што ќе бидат вкусни, туку и ќе ви изгледаат убаво.

Веројатно ќе сакате да ги послужите секојпат кога ќе имате гости.

Потребни состојки:

• Еден компир
• Маслиново масло
• Сол и бибер по желба

Подготовка:

Процесот на подготвување на розите од компири е едноставен.

Еден компир ви е доволен. Исечкајте го на тенки парчиња.

Парчињата наредете ги во една линија, едно по друго.

Потоа започнете да ги ролате во круг.

Откако ќе завршите со навртувањето на ситно сечканите парчиња компир, на крај ќе добиете роза.

Подготвените рози наредете ги во плех за печење на мафини, посолете ги и ставете бибер и други зачини по желба.

Печете ги на претходно загреана рерна на 180 степени 30-на минути или барем додека не забележите дека добиле златно жолта боја.

На здравје!

Истото можете да го направите и со едно јаболко, од него да направите интересен посен десерт.

Н. Г. | Црнобело