Гранита – совршено нискокалорично летно уживање (видео)

Гранитата е полузамрзнат десерт, направен од шеќер, вода и различни ароми, според вкусовите на купувачите.

Потекнува од Сицилија, а во Италија е достапна во многу различни форми. Нејзината структура всушност варира од град во град, некаде се продава со поостра, кристална структура, а некаде е мазна како шербет.

Изгледот на гранитата најмногу зависи од различните техники на замрзнување.

За разлика од сладоледот кој е во вид на крем, гранитата е сосем спротивна, што ја прави мошне различна и едно од најубавите летни уживања.

Доколку сакате да се освежите и засладите истовремено, без дополнителните калории од сладоледот, ова е одлична можност да си направите домашна гранита, со вкус и додатоци по ваша желба.

За уште помалку калории, наместо бел шеќер, употребете кафеав шеќер или стевија.

За подготовка на гранита со свежи јагоди, погледнете го видеото.

Сè што ви е потребно е: вода, шеќер, овошје (во овој случај јагоди, но може да употребите и некое друго) по ваша желба и малку сок од лимон.

Измешајте ги сите состојки во блендер, додека не добиете густа смеса и истурете ја во тавче.

Ставете го тавчето во замрзнувач, околу 2 и пол часа.

Површината на гранитата „се гребе“ со виљушка, со цел да добиете мали кристали.

Уживајте!

(О)Милена | Црнобело