5 солени рецепти кои се објаснуваат во една реченица

Екстремно кратките и брзи рецепти се специјално создадени за оние прилики кога немате многу време за читање и проучување на сите состојки и постапки во рецептот, ниту пак имате 2 часа слободни за седење во кујна.

Овие 5 солени рецепти се спас во моментите кога треба да прочитате и подготвите нешто брзо и вкусно. Пример, кога ќе ги заборавите гостите кои ви се најавиле 5 дена порано.

5 рецепти во само 1 реченица:

1. Модри патлиџани на скара

Исечете го модриот патлиџан на парчиња од 1-2 сантиметри дебелина, ставете 2-3 кругови обичен домат, пропрскајте со рендан кашкавал, зачинете во вкус и печете околу 7 минути на скара.

2. Риба со лимон

Направете засеци на рибата и ставете по половина круг лимон во засеците, пропрскајте со сол, исцедете уште малку лимон, исечкајте зеленчук по желба, посолете и зачинете, па потоа печете 40 минути на 180 степени.

3. Капрезе салата

Исечете моцарела парчиња, исечете шери домати на половина, додадете ситно сечкан босилек, маслиново масло и балсамико и добро промешајте.

4. Полнети печени тиквички

Исечете една тиквичка со средна големина на половина, ставете тенок слој мелено месо, покријте со домати, рендан кашкавал, маслиново масло, лук во прав (по желба), малку сол и печете 20-25 минути на 180 степени.

5. Вегетаријанска фритата

Измешајте ситно сечкани тиквички, кромид и лук, пиперка, домати, јајца, маслиново масло, сол и зачини по желба, финиширајте со дебел слој рендан кашкавал и ставете во затоплена рерна на 180 степени, 15 минути.

М. Д. | Црнобело