Вкус од кој ќе станете зависни: Брз колач од кокос и чоколадо

Колачот од кокос е десерт на кој ќе се навлечете после првото пробување, а веројатно и гостите ќе ви го побараат рецептот после првото залче.

За среќа, рецептот е брз, лесен и евтин, па може да го подготвувате колку често и да сакате.

Плус, ви требаат само 20 минути во кујна.

Потребни состојки:

• 200ml јогурт
• 200ml масло
• 1 кесичка ванилин шеќер
• 200g брашно
• 100g чоколадо за готвење
• 200ml млеко
• 200g кокос
• 200g шеќер
• 1 лажица прашок за печиво

За глазура:

• 100g чоколадо за готвење
• 3 лажици масло

Начин на подготовка:

Во голем сад ставете го млекото заедно со шеќерот и оставете го да отстои.

За тоа време во друг сад ги мешате следните состојки - јогурт, масло, кокос, ванилин шеќер, брашно и прашок за печиво.

Кога ќе добиете еднолична смеса, додадете ја во млекото и шеќерот.

Намачкајте едно средно тавче за печење со масло и со брашно, па во него претурете ја смесата и прелијте со растопено чоколадо. Печете 30-тина минути на 180 степени.

Откако ќе го извадите колачот, подгответе ја глазурата, односно стопете го чоколадото на пареа заедно со маслото.

Колачот добро оладете го и пред послужување прелијте со чоколадо.

М. Д. | Црнобело