Летни рецепти: Обичната краставица послужена на 3 нови начини

Зеленчукот е една од најважните компоненти во сечија храна. Тој е извор на витамини и минерали кои му помагаат на организмот правилно да функционира.

Зеленчукот е исто така одличен избор на храна кога времето надвор е премногу топло, а на организмот му е потребна храна која содржи големи количини на вода.

Токму затоа, ние ви нудиме три едноставни рецепти за тоа како да подготвите вкусни оброци со помош на краставица.

Ролнички од фета и краставица

Состојки:

• 2 краставици
• 120 g фета сирење
• 4 лажици павлака
• 50 g маслинки
• 1/2 пиперка
• 1 лажица свеж копар
• 2 лажици сок од лимон
• црн пипер

Начин на подготовка:

1. Испечете ја пиперката, излупете ја и исечкајте ја на ситни парченца.

2. Искршете го фета сирењето и во него додадете ги павлаката, пиперката, исечканите маслинки и копарот. Додадете го и сокот од лимон и наросете црн пипер. Убаво измешајте.

3. Краставиците исечете ги на тенки парчиња по целата должина. Нанесете од филот и завиткајте во ролна. На крајот зацврстете ја ролната со чепкалка за заби.

Лесна салата од краставица и коријандер

Состојки:

• 3 краставици
• 1 китка коријандер
• 1 чили пиперка
• ѓумбир
• сусам
• 1 лимета
• 1 лажица масло од сусам
• 3 лажици маслиново масло
• 3 лажици соја сос

Начин на подготовка:

1. Во чинијата во која ќе ја послужите салатата, изрендајте го коренот од ѓумбир и кората од лимета. Додадете го сокот од лимета, маслото од сусам, маслиновото масло и соја сосот и убаво измешајте.

2. Листовите коријандер, чилито и сусамот лесно пропржете ги.

3. Исечете ја краставицата по должина на тенки ленти и додадете ја во садот. Врз неа ставете ја смесата од коријандер, сусам и чили.

Мини сендвичи

Состојки:

• конзерва риба
• 1 краставица
• леб
• маслинки
• мајонез

Начин на подготовка:

1. Исечете го лебот со помош на калап или со нож на квадрати.

2. Маслото во кое стоела рибата измешајте го со ситно исечканата краставица и маслинки. Додадете го и мајонезот и убаво измешајте.

3. Преостанатата краставица исечете ја на кругови и нанесете по еден круг врз секое парче леб. Врз кругот краставица нанесете од смесата и декорирајте со парче маслинка, магдонос, копар...

М. С. | Црнобело