Ручек за кој нема да извалкате ни еден сад: Лосос на 4 начини

Лососот е храна која нутриционистите ја препорачуваат како особено корисна бидејќи содржи огромна количина на омега-3 масни киселини.

Токму затоа ние ви нудиме 4 рецепти како да подготвите лосос на хартија за печење и да добиете вкусен ручек без да имате еден тон садови за миење.

1. Лосос со песто сос

Состојки:

• 80 g боранија
•  маслиново масло
•  сол и црн пипер
• 170 g лосос
• 2 лажици песто
• 10 шери домати

Начин на подготовка:

1. На хартијата за печење ставете ја боранијата. Испрскајте со маслиново масло и додадете сол и црн пипер.

2. Ставете го лососот врз боранијата и додадете 2 лажици песто.

3. Наредете ги одозгора шери доматите, пресечени на половини и преклопете со хартијата за печење.

4. Печете 20 минути во претходно загреана рерна на 180°C.

2. Лосос со теријаки сос

Состојки:

• моркови, сечкани на парчиња
• брокула
• маслиново масло
• сол и црн пипер
• 170 g лосос
• 2 лажици теријаки сос

Начин на подготовка:

1. На хартијата за печење ставете ги морковите и брокулата. Испрскајте со маслиново масло и додадете сол и црн пипер.

2. Ставете го лососот врз зеленчукот и додадете теријаки сос.

3. Убаво завиткајте ја хартијата за печење од сите страни.

4. Печете 20 минути во претходно загреана рерна на 180°C.

3. Лосос со лимон и аспарагус

Состојки:

• 200 g аспарагус
• маслиново масло
• сол и црн пипер
• 170 g лосос
• 3 круга кромид
• 2 парчиња лимон
• 1 гранче копар

Начин на подготовка:

1. На хартијата за печење ставете го аспарагусот. Испрскајте со маслиново масло и додадете сол и црн пипер.

2. Ставете го лососот врз аспарагусот и додадете масло, сол и црн пипер.

3. Наредете ги одозгора кромидот, лимонот и копарот и преклопете со хартијата за печење.

4. Печете 20 минути во претходно загреана рерна на 180°C.

4. Лосос со лук и путер

Состојки:

• 1 компир, исечен на кругови
• сол и црн пипер
• 170 g лосос
• 3 лажици путер, стопен
• 1 чешне лук
• 2 лажици свеж магдонос, исечкан

Начин на подготовка:

1. Во сад измешајте ги путерот, лукот и магдоносот.

2. На хартијата за печење ставете ги круговите компир и попрскајте ги со смесата од путер и лук. Додадете сол и црн пипер.

3. Ставете го лососот врз компирите и додадете ја останатата смеса со лук и путер. Додадете сол и црн пипер.

4. Преклопете со хартијата за печете 30 минути во претходно загреана рерна на 180°C.

М. С. | Црнобело