Летен десерт: Смрзната торта од 3 вида сладолед

Кога ќе помислите на нешто ладно, а температурите надвор се искачиле високо над 30 степени, сигурно прво нешто кое ви паѓа на памет е сладолед.

Следниот рецепт ќе ви покаже како да направите вистинска вкусна „бомба“ од сладолед и Орео колачи која не само што ќе биде неверојатно вкусна однатре, туку ќе изгледа навистина интересно и однадвор.

Состојки:

• Сладолед со парчиња колачи (количината зависи од садот)
• Чоколаден сладолед, омекнат (количината зависи од садот)
• Сладолед од карамела, омекнат (количината зависи од садот)
• 24 Орео колачиња
• 4 лажици стопен путер
• малку сол

Начин на подготовка:

1. Ставете го во фрижидер садот во кој ќе ја правите „бомбата“ од сладолед.

2. Најнапред додадете го сладоледот со парчиња колачи и врз него ставете помал сад, обложен со проѕирна фолија, за смесата да се распореди подеднакво насекаде. Двата сада ставете ги во фрижидер и оставете да стојат 1 час.

3. Повторете ја постапката со сладоледот од чоколадо и повторно оставете да стои 1 час во фрижидер.

4. На крајот исполнете ја празнината со сладоледот од карамел.

5. Ситно сомелете ги или искршете ги Орео колачите и додадете го стопениот путер и малку сол. Ставете го ова врз сладоледот за да послужи како основа. Оставете го во фрижидер 4 часа.

6. За полесно да го извадите сладоледот од садот ставете го во топла вода неколку секунди. Превртете го на чинија за послужување и вашата „бомба“ од сладолед и Орео е спремна за послужување.

М. С. | Црнобело