4 рецепти за бомбици на бразилски начин

Чоколадните бомбици на повеќето ни се едни од најомилените колачиња на кои не можеме да одолееме.

Покрај тоа што се многу вкусни, тие се и многу лесни за подготвување, па отсега нема да мора само да ги гледате на слики и да ги посакувате.

Во продолжение погледнете 4 рецепти за бомбици со различни вкусови кои веднаш ќе посакате да ги подготвите:

Класични бомбици

Потребни состојки:

• 1 лажица путер
• 400g засладено кондензирано млеко
• ¼ шолја кокос
• Чоколадни трошки

Начин на подготовка:

1. Ставете ги во сад путерот, млекото и кокосот и стопете ги на слаб оган, со непрекинато мешање додека се соедини смесата.

2. Истурете ја смесата во чинија и оставете ја 1 час да се излади.

3. Направете од смесата мали топчиња.

4. Извалкајте го секое топче во чоколадните трошки.

5. Сервирајте!

 

Бомбици со кокос

Состојки:

• 1 лажица путер
• 400g засладено кондензирано млеко
• ½ шолја кокосово млеко
• Кокос

Начин на подготовка:

1. Загрејте ги во сад путерот, кондензираното и кокосовото млеко, и мешајте додека не го видите дното на садот.

2. Претурете ја смесата во чинија и оставете ја 1 час да се излади.

3. Направете од смесата мали топчиња.

4. Извалкајте го секое топче во кокос.

5. Сервирајте!

 

Бомбици од јагода

Потребни состојки:

• 1 шолја свежи сечкани јагоди
• ½ шолја вода
• 1 лажица путер
• 400g засладено кондензирано млеко
• ¼  шолја бело чоколадо
• Трошки во боја

Начин на подготовка:

1. Во сад, на средно загреан оган, ставете ги јагодите и водата и мешајте додека смесата не се згусне во вид на џем.

2. Намалете го оганот и додадете ги путерот, кондензираното млеко и белото чоколадо, постојано мешајќи додека да се соедини смесата.

3. Истурете ја смесата во чинија и оставете ја 1 час да се излади.

4. Направете од смесата мали топчиња.

5. Извалкајте го секое топче во мрвиците.

6. Сервирајте!

 

Орео бомбици

Потребни состојки:

• 10 Орео колачи
• 1 лажица путер
• 400g засладено кондензирано млеко

Начин на подготовка:

1. Одвојте го кремот од средината на колачите и тргнете го настрана. Искршете ги колачите на ситни парченца и оставете ги за подоцна.

2. Во сад, на слаб оган, ставете ги путерот, кондензираното млеко и кремот од колачите и мешајте додека да се соедини смесата.

3. Истурете ја смесата во чинија и оставете 1 час да се излади.

4. Направете од смесата мали топчиња.

5. Секое топче извалкајте го во искршените колачи.

6. Сервирајте!

 

Погледнете го видеото со сите 4 рецепти:

М. М. | Црнобело