Џем од киви – слатко кисело есенско задоволство

Доаѓа омилениот период од годината за подготовка на зимници.

Трудот кој се вложува сепак се исплатува на крајот, кога ќе си намачкате топло ајварче на свежо лепче.

Овојпат е време за нешто слатко – џем од киви, кој се подготвува лесно и едноставно, погоден за правење дури и во вашиот дом.

Состојки:

• 1 kg киви
• 600 g шеќер
• малку лимонов сок и рендана кора од лимон
• 1 кесичка желатин или џем фикс

Начин на подготовка:

Излупете го кивито и добро измијте го.

Исечкајте го на ситни коцки и истурете го шеќерот, во кој сте го додале желатинот, малку сок од лимон и рендана кора од лимон (по желба).

Варете во поголем сад, на средна топлина, мешајќи нежно, додека не се појави сок и не се раствори целосно шеќерот.

Особено е важно да го варите џемот на пониска температура. Овошјето треба да стане стаклесто и да ја задржи специфичната зелена боја. Белата пена која ја испушта за време на варењето внимателно собирајте ја со лажица и исфрлете ја од садот.

Доколку сакате во џемот да се чувствуваат покрупни парчиња овошје, ова е крајот на рецептот.

Во спротивно, ако преферирате мазна структура на џемот, со помош на рачен блендер, блендирајте ја смесата додека не стане кашеста и мазна.

Префрелете го џемот во топли стерилизирани тегли и наместете ги обратно, со капачето надолу. Оставете ги добро да се оладат на овој начин.

(О)Милена | Црнобело