Магичен колач кој сите го пробуваат: Печете едно тесто - добивате три слоја

Магичниот колач моментално ги доживува своите 5 минути слава на социјалните мрежи, бидејќи се прави од 5 евтини и едноставни состојки, а се добиваат три слоја.

Печете само едно тесто а добивате бисквит, лесен крем и густ крем. Како?

Потребни состојки:

• 3 јајца
• 90 g шеќер
• 90g стопен путер
• 90g брашно
• 375ml млеко
• 1 лажица вода
• Малку сол
• Екстракт од ванила

Подготовка:

Одвојте ги белките од жолчките. Во жолчките додајте лажица вода и шеќер. Добро промешајте со жица, па постепено додавајте го стопениот путер.

Користејќи сито, додајте брашно и мешајте. Во садот ставете ги и екстрактот од ванила и млекото со постојано мешање.

Во друг сад изматете ги белките, па додајте ги во жолчките постепено.

Намачкајте го калапот за печење со путер или маргарин и прелијте ја смесата. Ставете во рерна на 150 степени, околу 50 минути.

Извадете го колачот, исечете триаголници и уживајте во меката магија.

М. Д. | Црнобело