Доза здрав појадок – Чиа пудинг со свежи смокви

Откако чиа семето ја доживеа својата премиера на пазарот за здрава исхрана, неговата употреба не запира.

Со него ќе ги добиете сите потребни здрави масти, а во комбинација со едно од омилените есенски овошја – смоквите, може да направите неверојатно вкусен и здрав појадок кој ќе го обожавате.

Потребни состојки:

• ¾ шолја млеко (може обично, соино, оризово или кокосово, по желба)
• 3 лажици чиа семе
• 1 лажичка ванила
• 2 лажици несолен путер
• 2 лаживи јаворов сируп
• 2 лажици тостирани ореви
• 2-4 големи свежи смокви 

Како се прави?

Директно во стаклена тегла или подлабок сад, измешајте ги чиа семките, млекото, ванилата и прстофат сол. Покријте ја смесата која треба да остои минимум 2 часа во фрижидер или најдобро прекуноќ. Тоа ќе им овозможи на чиа семките да ги испуштат своите здрави состојки и да се трансформираат во желатинска смеса како пудинг.

Во мало тавче ставете го путерот и јаворовиот сируп на средна температура додека не зовријат (околу 3-5 минути или додека смесата не стане густа).

Со помош на електрична маталка изматете го путерот додека не стане пенест, околу 2 минути и додадете уште сосема малку сол.

Врз пудингот додадете ја втората смеса од изматен путер и сируп, свежи исечкани смокви и тостирани ореви.

Пријатно слатко уживање.

(О)Милена | Црнобело