Есенско задоволство: Погачици во форма на тиква

Ако ви се најавиле гости и сакате навистина да ги изненадите и воодушевите овие интересни погачици во форма на тиква се вистинскиот избор.

Тие ќе ве освојат не само со својот вкус, туку и со нивниот изглед кој навистина ќе нарави да се чувствувате како да сте ја внеле есента во домот.

Уште една од работите која ќе ве освои е брзата и лесна подготовка што е навистина важна за секоја современа домаќинка.

Потребни состојки:

• 1 кесичка сув квасец
• 1 чаша млако млеко
• ¼ чаша шеќер
• 3 лажици путер, стопен
• ½ чаша пире од тиква
• 2 јајца
• 1 лажичка сол
• 480 g брашно
• сечкани индиски ореви за дршка

За намаз:

• 120g путер
• ¼ чаша шеќер во прав
• ¼ чаша мед
• 1 лажичка цимет

Подготовка:

Во сад измешајте ги млакото, квасецот, путерот, едното јајце, пирето од тиква и убаво измешајте, а потоа почнете полека да додавате брашно додека не добиете мазно тесто.

Оставете го тестото да одмори 5 минути, а потоа месете го уште 5 минути.

Обликувајте го тестото во форма на топка и ставете го го чист сад премачкан со масло да скисне околу 45 минути – 1 час на собна температура.

Откако тестото ќе скисне, измесете го и поделете го на 15 еднакви делови кои ќе ги обликувате во топчиња. Секое топче сплескајте го со дланката и засечете му ги краевите на осум дела (како на фотографијата). Наредете ги добиените погачици на плех за печење, покријте ги со пластична фолија и оставете ги да отстојат уште 45 минути – 1 час на собна температура.

Пред да ги печете на секое топче направете му мала вдлабнатина во горниот дел и премачкајте ги погачиците со смесата од јајце и 1 лажичка вода. Ставете ги да се печат во претходно загреана рерна на 175°C околу 15-20 минути. По печењето во вдлабнатините наредете ги индиските ореви.

За да го наравите намазот ставете го путерот во блендер и мешајте околу 30 секунди (или измешајте го со миксер). Додадете го шеќерот во прав, медот и циметот и сè убаво измешајте. Вака подготвениот намаз може да го чувате во фрижидер и до една недела.

М. С. | Црнобело