Рецепт на денот: Солена Мимоза торта

Мимоза салатата е нешто без кое не може да се замисли ниту една празнична трпеза.

Но, само затоа што не сте ја пробале Мимоза тортата.

Откако еднаш ќе ја пробате оваа солена торта таа ќе стане дел од многу ваши оброци и семејни прослави.

Потребни состојки:

• 300 g крекери
• 400 ml кисела павлака
• 300 ml мајонез
• 250 g фета сирење,
• 250 g шунка,
• 250 g рендан кашкавал,
• 5-6 кисели краставички

Подготовка:

Изгмечете го сирењето со виљушка. Додадете го мајонезот во истиот сад. Додадете ја и киселата павлака, па добро промешајте.

Во една огноотпорна тава наредете слој крекери по желба.

Мешавината од сирење, мајонез и павлака поделете ја во 3 садови. Во едниот додадете ја шунката, во другиот кашкавалот, во третиот ситно сечканите краставички.

Редете ред крекери, па еден слој фил. Покријте со втор ред крекери, па додадете го вториот фил.

Филовите може да ги распоредите по желба, редоследот не е важен.

Оставете да се олади и зацврсти неколку часа во фрижидер, па потоа сечете коцки.

М. С. | Црнобело