Домашни мандарина коцки

Сезоната на мандарини и портокали веќе е во тек и нивниот мирис и вкус го чувствуваме насекаде.

Овој сезонски рецепт е идеален за оние кои го сакаат цитрусното, освежително овошје и сакаат да го консумираат во облик на колаче.

Потребни состојки:

• 6 јајца
• 150g шеќер
• 1 ванилин шеќер
• 150g брашно
• 1 лажичка прашок за печиво
• Компот или свежи мандарини
• 2 пудинзи со вкус на ванила
• ½ l сок од портокал
• ½ l слатка павлака

Подготовка:

За бисквитот, одвојте ги белките од жолчките. Изматете снег од белките. Жолчките добро изматете ги со шеќерот и ванилиниот шеќер. Брашното измешајте го со прашокот за печење и додадете го во жолчките. Постепено додавајте го снегот од белки во смесата.

Тестото ставете го во среден калап и печете го бисквитот 15 минути. Оставете да се олади.

Ако користите мандарини од компот, исцедете ги и одвојте ½ литар од сокот.

Ако користите свежи мандарини, исцедете неколку за да добиете ½ литар сок.

Потоа на една од двете опции додадете и го ½ литар сокот од потокал.

Одвојте мандарини за украс, а останатите наредете ги по оладениот бисквит.

Сокот зовријте го и во него сварете го пудингот од ванила. Нека се олади.

Изматете ја слатката павлака во шлаг и почнете да редите слоеви.

Врз кексот ставете слој пудинг, па шлаг. Слободно може да си играте со распоредот на слоевите.

Украсете по желба.

М. Д. | Црнобело