4 вкусни работи кои можете да ги направите со какао

Какаото е тајната состојка на секој чоколаден рецепт. Може да ставете квалитетни чоколади и додатоци, но ако не ја засилите аромата со лажица какао - рецептот не е совршен.

Затоа, ви нудиме 4 фантастични рецепти со какао кои се прават брзо и лесно.

Тартуфи од какао

Потребни состојки:

• Околу 500ml фростинг, (кој се подготвува од шеќер во прав и путер кои се мешаат со миксер. Се додава малку ванила и 1 лажица млеко. Се меша 3-4 минути за да се измазни.)
• 2 шолји изрендано или ситно кршено млечно чоколадо
• 2 лажици какао

Прво направете го фростингот, па додадете го топеното чоколадо со какаото. Измешајте и замрзнете во тава со средна големина. Вадете и обликувајте топчиња кои ќе ги извалкате во какао.

Сладок сос за колачи од какао

Потребни состојки:

• 250g маскарпоне
• 2-3 лажици неутрална павлака
• 1 шолја засладено чоколадо во прав
• 1 лажица какао
• 1 белка, изматена

Измешајте го крем сирењето со павлаката и изматената белка додека не добиете густа смеса. Топлото чоколадо во прав и какаото разредете ги со неколку капки топла вода и додадете ги во смесата. Послужете со овошје или кекси.

Инстант топло чоколадо во чашка

Потребни состојки:

• 1 шолја стопено чоколадо
• Какао
• Новогодишни лижавчиња
• Изматена хопла

Стопете го чоколадото и додадете му неколку лажички какао. Распоредете го во неколку хартиени, мали чашки. Ставете ги новогодишните стапчиња-лижавчиња и оладете неколку минути. Потоа врз чоколадото ставете изматена хопла, засладена. Замрзнете 1 час. Внимателно искинете ги хартиените чашки и инстант слатките растворете ги во шолја млеко.

Француски тост со какао

Потребни состојки:

• Милиброд кој убаво се сече
• 1 шолја какао
• ½ шолја шеќер во прав
• Млеко
• Путер
• 2 јајца

Исечете го милибродот на парчиња и премачкајте го со растворена смеса од какао, шеќер во прав и малку млеко. Направете благи сендвичи. Изматете ги јајцата со половина шолја млеко, малку путер и 1-2 лажици какао. Сендвичите мацнете ги во смесата и пржете како обични пржени лепчиња. Сервирајте со чоколаден прелив, шлаг и јаткасти плодови.

М. Д. | Црнобело