Здрави домашни плочки кои ќе посакате да ги вкусите веднаш


Здрави домашни плочки кои ќе посакате да ги вкусите веднаш

Празниците се позади нас, а руската салата, кифличките и тортите со кои се прејадовме полека си го земаат данокот.

Zdravi-domasni-plocki-koi-ke-posakate-da-gi-vkusite-vednas-01.jpg

Ако сте од оние кои накачиле неколку килограми плус или пак едноставно сакате здрави слатки нешта, време е за едноставен рецепт, кој не содржи додатен шеќер.

На прв поглед можеби ви изгледа дека има многу состојки, но ве уверуваме дека сите се лесно достапни, постапката е едноставна, а резултатот е повеќе од одличен.

Време е за здрави крцкави домашни плочки!

Потребни состојки:

  • 1 и пол шолја непечени индиски ореви
  • 1/2 шолја непечени бадеми
  • 1 шолја кокос
  • ¼ шолја сусам
  • ¼ шолја зготвена киноа
  • ¼ шолја таан
  • 1 лажичка сол
  • ¼ лажичка цимет
  • 1/2 шолја мед
  • 1 лажичка кокосово масло
  • 1 лажичка екстракт од ванила
  • 1/2 шолја суви гоџи бобинки

Начин на подготовка:

Загрејте ја рерната на 180 степени и подгответе мало тавче за печење (со димензии околу 20x20 cm) со хартија за печење на дното.

Пропржете ги индиските ореви, бадемите, кокосот, сусамот на нелеплива тава, со повремено мешање на средна температура додека благо не поруменат, или околу 8-12 минути. Оставете ги да се оладат.

Додадете ја мешавината во блендер, заедно со киноата, таанот, циметот и солта и блендирајте на најсилна брзина додека не се добие фина смеса.

Загрејте го медот и кокосовото масло во мало тавче и мешајјте околу една минута. Откако ќе ги тргнете од огнот, додадете го екстрактот од ванила.

Добро измешајте ја течната заедно со тврдата смеса и на крајот додадете ги гоџи бобинките.

Zdravi-domasni-plocki-koi-ke-posakate-da-gi-vkusite-vednas-02.jpg

Убаво натапкајте ја смесата во тавчето со влажни раце и додадете сусам по желба на горниот слој.

Печете додека добро не се заруменат, или околу 25-30 минути.

Откако ќе се олади, исечете на коцки или правоаголници и обидете се да не ги изедете сите одеднаш.

Zdravi-domasni-plocki-koi-ke-posakate-da-gi-vkusite-vednas-03.jpg

Zdravi-domasni-plocki-koi-ke-posakate-da-gi-vkusite-vednas-04.jpg

(О)Милена | Црнобело

Би можело да ве интересира:

Готов за 15 минути: Џем од јагоди кој ќе ве врати во детството Јаготки кои се мачкаат на леб – појадок, ужинка и вечера која честопати знаевме ...
Рецепт за летните собиранки: Мини пица такоси Во овие топли денови на никој не му е дојдено до готвење и долги часови поминати...
Шарени летни ролати од тортиља за кои не ви треба печење Доколку веќе немате идеја што да зготвите, а притоа да не вклучувате рерна, врем...

Најчитани неделава

sonovnik-sidebar.jpg