Десерт на брзина: Колаче од кокос и ореви

Лесните и кремасти колачи и торти се десерти кои луѓето секогаш ги претпочитаат како одличен завршеток на вкусниот ручек.

Овој колач е збогатен со ореви и кокос кои му даваат посебен вкус на кој долго ќе се сеќавате.

Состојки:

Пандишан:

•   6 белки,
•   6 лажици шеќер
•   100 g кокос
•   100 g мелени ореви
•   1 прашок за печиво

Фил:

•   6 жолчки јајце
•   6 лажици шеќер
•   2 реда чоколадо за готвење
•   200 g путер
•   200 ml слатка павлака
•   2-3 ќесички шлаг пена

Начин на подготовка:

Изматете ги белките со шеќерот, па додадете го кокосот, мелените ореви и прашокот за печиво.

Измешајте со лажица, ставете ја смесата во плех и печете 10-15 минути на 190 °C.

За да го подготвите филот, ставете ги во сад жолчките и шеќерот и варете ги на пареа додека не добиете густа смеса.

Додадете го чоколадото и мешајте додека тоа не се растопи, па тргнете го садот да се излади.

Во изладениот фил додадете го омекнатиот путер и мешајте со миксер. На крајот додадете ја изматената слатка павлака и измешајте со лажица.

Ставете го пандишпанот, па филот, а најгоре нанесете ја шлаг пената. Проросете какао за декорација.

М. С. | Црнобело