Рецепти за пилешко на 3 нови начини

Можеби едно од најтешките прашања кои секојдневно си ги поставуваме е „Што да се подготви за ручек/вечера?“.

Храната базирана на пилешко месо е едноставна и лесна за подготовка, но понекогаш добиваме желба да внесеме нешто ново и поразлично од веќе добро познатите оброци.

Следните три рецепти од различни делови од светот се одлична идеја за ново и поинакво гастрономско уживање во познатиот вкус.

1.  Зачинета мексиканска салата со пилешко и зеленчук

Состојки:

• 4 мали парчиња пилешки гради
• 1/2 црвена зелка
• 1 зелена пиперка
• 10 шери домати
• 1/2 лимон
• магдонос
• 4 лажици масло
• 1/2 лажичка кафеав шеќер
• зачини по вкус (ким, црн пипер, црвен пипер, сол)
• павлака
• парче леб (по желба)

Начин на подготовка:

Намачкајте ги пилешките гради со масло и посипете ги зачините и шеќерот. Ставете го месото во фрижидер да се маринира најмалку 30 минути.

Исечете го пилешкото на коцки и пржете го на средна температура. Потоа додадете сок од половина лимон.

Исечкајте го зеленчукот на коцки и измешајте го со месото, додавајќи ја павлаката како декорација.

2. Пилешко на индиски начин и салата од авокадо

Состојки:

• 500 g пилешки филети
• марула
• 2 авокада
• 250 g леб
• 1/2 црвен кромид
• 1 лажица масло
• 3 лажички ким
• 1/2 лажица сок од лимон

Начин на подготовка:

Загрејте го маслото во голема тава на средна температура. Исечкајте го месото на коцки, посипете ким и пржете додека не добие златна боја.

Исечкајте го зеленчукот, авокадото и лебот на коцки.

Комбинирајте ги сите состојки во сад и прелијте ги со сок од лимон.

 3. Пилешка салата со пченка и ананас

Состојки:

• 300 g пилешки филети
• 2 јајца
• 1 конзерва пченка
• 380 g ананас од конзерва
• 2 краставици
• мајонез

Начин на подготовка:

Сварете ги пилешките филети и исечете ги на коцки.

Краставиците исечете ги на ленти, а ананасот на коцки. Јајцата сварете ги и исто така исечете ги на коцки.

Ставете ги сите состојки на чинија во слоеви, почнувајќи од пилешкото, па ананасот и краставицата, премачкувајќи го секој слој со мајонез.

Гарнирајте ја порцијата со сечкани јајца и пченка.  

М. С. | Црнобело