8 состојки во 1 сад и добивате Браунис со чоколадо, кафе и Бејлис

8 едноставни состојки кои се мешаат во еден сад = 16 неодоливи браунис парчиња. Зарем има нешто подобро и поедноставно?

Се подготвуват брзо и лесно, а вкусот е раскошно чоколаден. Се чувствува и мала нота кафе и Бејлис кои ги прават овие браунис неодоливи.

Однадвор лесно крцкави, а внатре меки, сé што ви е потребно за подготовка на овие браунис колачи е следново:

• ½ шолја стопен солен путер
• ¾ шолја шеќер
• ¼ шолја Бејлис ирски крем
• 2 лажички екстракт од ванила
• 2 големи јајца
• ¾ шолја какао
• ½ солја сенаменско брашно
• 1-2 лажички инстант кафе во гранули
• ½ шолја парченца чоколадо  

Начин на подготовка:

Загрејте ја рерната на 180°C.

Ставете хартија за печење во помало тавче, со димензии околу 20x20 cm.

Во подлабок сад измешајте ги заедно путерот, шеќерот, ванилата, Бејлисот и јајцата додека добро не се соединат.

Додадете го какаото, брашното и кафето. На крајот додадете ги парченцата чоколадо.

Префрлете ја смесата во тавчето и печетe од 20 до 25 минути.

Оставете ги да се оладат и исечете на коцки.

Доколку сакате чоколаден прелив врз коцките, стопете ½ шолја чоколадо и ¼ шолја Бејлис и испрскајте ги колачите.

(О)Милена | Црнобело