Рецепт на денот: Велигденски чоколаден колач

Доколку сакате Велигденската трпеза да ви биде во знакот на празникот, а не знаете како да го направите тоа, имаме решение за вас.

Овој чоколаден колач освен што изгледа поразлично од сите други еднолични десерти, ќе ве изненади и со неговиот вкус, вас и вашите најмили.

И секако, лесно се подготвува.

Потребни состојки:

• Спреј за готвење
• Хартија за готвење
• 1 кутија готов чоколаден микс за мафини
• 1 чаша бело чоколадо
• 1 лажица кокосово масло
• 10 капки портокалова боја за готвење
• 12 дрвени стапчиња
• 12 големи јагоди
• 1 пакување чоколаден шлаг
• 1 пакување орео колачи, издробени

Начин на подготовка:

Загрејте ја рерната на 180°С и испрскајте ја внатрешноста на плехот со спреј за готвење. Ставете во плехот хартија за печење и повторно испрскајте малку со спрејот.

Подгответе го чоколадното тесто според инструкциите на пакувањето на готовиот микс. Истурете го тестото во плехот и печете 28-30 минути, а потоа оставете да се олади.

Подгответе го портокаловиот фил: Во мал, длабок сад, стопете го белото чоколадо. Додадете го кокосовото масло и портокаловата боја за готвење, а потоа мешајте додека не се соедини смесата.

Подгответе ги „морковите“: Во голем сад ставете хартија за печење. Забодете ја секоја јагода со посебно дрвено стапче и извалкајте ги во стопеното портокалово чоколадо. Наредете ги јагодите врз садот и ставете ги во фрижидер да се ладат 15 минути.

Врз чоколадното тесто истурете го чоколадниот фил/шлаг, а потоа посипете ги искршените орео колачи. Одозгора наредете ги оладените јагоди и декорирајте со чоколадни јајца.

Исечете го десертот на коцки и сервирајте го.

Погледнете го видеото:

М. М. | Црнобело