3 енергетски пролетни салати

Никогаш не можете да погрешите со сезонскиот зеленчук, па затоа измешајте сè што имате во еден подлабок сад и добивате енергетска салата која успешно ќе се избори со пролетниот замор.

Ако не знаете од каде да почнете, ви предлагаме 3 рецепти:

Шарена салата

Потребни состојки:

• 1 врзувалче рукола
• 1 мала црвена зелка
• 2 млади моркови
• Неколку листови зелена салата
• 1 топче моцарела
• 3 тврдо варени јајца
• Неколку тенки листови пршута
• Ротквици
• 2 лажици сок од лимон
• Маслиново масло
• Сол, бибер

Подготовка:

Зеленчукот добро измијте го и исечкајте го на ситни парчиња. Морковот може да го изрендате. Моцарелата и јајцата исечете ги на коцки. Зачинете, промешајте и на крај декорирајте со листовите пршута.

Салата со пилешко и манго

Потребни состојки:

• 2 пилешки филети, печени на скара, зачинети по вкус
• 1 зрело манго
• Зелена салата и рукола
• 1 црвена пиперка
• Лажица индиски оревчиња

За прелив од лимета:

• 100ml сок од лимета
• Малку рендана кора
• 2 лажици ситно рендан ѓумбир
• 3-4 лажици маслиново масло
• 1 чешне истолчен лук
• Малку коријандер, бибер и сол

Подготовка:

Мангото излупете го и исечете го на коцки, а пиперката исечете ја на кругови. Зелената салата дбро измијте ја и заедно со руколата иситнете ги. Се заедно промешајте. Пропржете ги индиските оревчиња, па додадете ги во садот. Додадете го и пилешкото. За преливот, измешајте ги сите состојки во една чашка и прелијте ја салатата.

Валдорфска салата

Потребни состојки:

• 50g рукола
• 250g корен од целер
• 1 зелено јаболко
• 30g печени ореви и бадеми, грубо сечени
• 2 лажици лимонов сок

За прелив:

• 2 лажици мајонез
• 1 лажица павлака
• ½ лажица сенф
• 2 лажици сок од лимон
• Сол и бибер

Подготовка:

Руколата измијте ја, исечкајте ја. Истото направете го и со целерот. Јаболкото преполовете го и исечкајте го на тенки парчиња. Прелијте со сок од лимон. Преливот направете го така што ќе ги промешате сите состојки и ќе го додадете врз зелената мешавина. Проросете со грубо сечканите јаткасти плодови.

М. Д. | Црнобело