Летен десерт: Лубеница од сладолед

Периодот од годината во кој сме опседнати со лубениците конечно ни пристигна.

Сочни, слатки и освежителни, нема некој кој не ги обожава.

Но, што ако ви откриеме како да си направите лубеница од сладолед? Уживањето двојно се зголемува.

Ви требаат само 3 сладоледи и половина ситно кршено чоколадо.

• Црвен сладолед – од шумско овошје, јагоди...
• Зелен сладолед – од ф’стак, лимета...
• Бел сладолед – од ванила
• Кршено црно чоколадо.

Постапката е следнава:

Омекнете го црвениот сладолед и во еден поголем сад измешајте го со кршеното црно чоколадо.

Земете овален стаклен сад и покријте го со проѕирна фолија. Истурете го зелениот сладолед и добро измазнете, лепејќи го по целиот сад. Слојот би требало да е дебел 2-3 сантиметри.

Замрзнете додека не се зацврсти повторно.

Постапката повторете ја и со белиот сладолед. Замрзнете.

Црвениот сладолед со кршени парчиња чоколадо ставете го на крај. Со него треба да го дополните целиот сад до врв. Покријте со пластична фолија и смрзнете 8 часа.

Пред послужување само превртете го садот на рамна површина, отстранете ја фолијата и сечете подебели парчиња.

За олесување на постапката, изгледајте го видеото:

М. Д. | Црнобело