За енергичен почеток на работниот ден - здрава салата во тегла

Вкусна, здрава, вегетаријанска и без глутен – што повеќе би посакале од еден оброк?

Оваа салата ќе ви даде доволно енергија за да го отпочнете денот и да останете сити подолг временски период.

Воедно, сите кои мразат да јадат од пластични садови ќе се израдуваат бидејќи оваа салата може да ја подготвите и спакувате во стаклена тегла.

Салатата која може да ја поделат двајца содржи 525 калории, а се потребни само 15 минути за подготовка.

Еве што ви е потребно:

• 2 праски
• 5 домати со средна големина
• 1 лажица чиа семе
• 1 авокадо
• ¼ шолја варена киноа
• 1 шолја црн (или црвен) грав од конзерва
• 2 шолји ситно сечкана марула
• 50g фета сирење

Начин на подготовка:

Исечкајте ги ситно на коцки праските и доматите. Додадете чиа семе во мешавината.

Сварете ја киноата според упатството (соодносот е 1/3 киноа и вода, додека водата целосно не изврие). Додека се вари исечкајте го авокадото и марулата.

Во чиста голема тегла ставете слој праски на дното. Потоа додадете ја киноата, црниот или црвениот грав, фета сирењето, авокадото и марулата.

Можете да ја чувате во фрижидер до консумирање.

Направете си сопствен прелив за салатата од маслиново масло, сок од свеж лимон, сенф и зачини по желба.

Пријатно јадење.

(О)Милена | Црнобело