Редена салата со печурки која може да замени цел ручек

Елегантно и подеднакво вкусно јадење, оваа салата ќе ги засени сите останати рецепти кои ги имате во тетратката.

Вашите гости и домашни ќе бидат воодушевени од вкусот и изгледот на редената салата со печурки и со сигурност ќе побараат репете.

Се подготвува лесно и брзо, а се јаде уште побрзо.

Потребно ви е:

• 500 g свежи печурки
• 50 g магдонос
• 200 g сварено месо (свинско, телешко или пилешко, по желба)
• 200 g моркови
• 200 g кашкавал
• 200 g компири
• 100 g кисели краставички
• 200 g мајонез

Начин на подготовка:

Потпечете ги печурките на хартија за печење околу 10-тина минути попрскани со малку масло за јадење и сол.

Во подлабок кружен сад, нареде ги како што е прикажано на сликата (со „капите“ надолу).

Ситно сечкaниот магдонос (или рукола, секако, по желба), посипете го врз печурките.

Сварените компири ситно исечкајте (или изрендајте) ги и додадете ги врз магдоносот.

Намачкајте дебел спој мајонез врз салата.

Исчекајте ги киселите краставички на коцки и додадете ги во салатата, со уште малку мајонез доколку е потребно.

Исечкајте го вареното месо на коцкички и додадете го како нареден слој во салатата.

Претпоследниот слој се варените моркови (може да ги исечете и нив на коцки или на долги тенки ленти). Додадете мајонез доколку салатата ви е премногу сува.

Последниот слој се состои од рендан кашкавал. Додадете го врз салатата и добро измазнете со лажица.

Завиткајте ја салатата и ставете ја во фрижидер 2 часа. Откако добро ќе се стегне, превртете ја во поголема чинија, поделете прибор и – уживајте.

(О)Милена | Црнобело