Идеални за појадок: Брзи колачиња со само 3 состојки

Во моментите кога се брзате, а сакате да појадувате нешто вкусно, здраво и слатко, дадете им шанса на овие колачиња, чија подготовка е брза и лесна.

Делуваат едноставно и можеби изгледаат скромно, но вкусот им е божествен.

Излегуваат околу 8 колачиња, а потребно ви е само:

• 1 голема шолја овесни снегулки
• 2 големи зрели банани
• ¾ шолја чоколадо сечкано на коцки

Подготовка:

Добро измешајте ги овесните снегулки со двете изгмечени банани со помош на виљушка.

Смесата не треба да биде премногу течна, но не и пресува.

Додадете ги чоколадните парчиња во смесата и обликувајте колачиња врз хартија за печење.

Печете во загреана рерна на 180°С околу 12 минути.

Одлично одат со чај или млеко.

Дополнителни варијации на рецептот: Наместо чоколадо, во основната смеса може да додадете путер од кикирики, мед, ореви, брусница, кокос, односно сè што преферирате по желба.

Погледнете детално како се подготвуваат вкусните колачиња со 3 состојки:

(О)Милена | Црнобело