Крцкав Фереро Роше колач полн со чоколадо

Кога ќе прочитате Фереро Роше, веќе го имате чоколадниот, крцкав вкус во уста, како кога ги јадете омилените топчиња.

Но, што ако ви кажеме дека сами можете да го подготвите идентичниот вкус, само во облик на колач?

Ви треба нешто помалку од 1 час и следниве состојки:

За кора:

• 100g путер
• 100g шеќер во прав
• 4 јајца
• 130g црно чоколадо со над 50% какао
• 1 лажица какао во прав
• 1 кесичка ванилин шеќер
• 70g брашно
• Прстофат сол
• 70ml слатка павлака
• 130ml млеко

За крем

• 400g Нутела
• 400g крем сирење
• 250g сечкани лешници
• 100g изронети наполитанки

За глазура:

• 200g црно чоколадо
• 200ml слатка павлака

Подготовка:

Со миксер изматете го шеќерот со путерот, а чоколадото стопете го на пареа.

Во путерот додадете ги 4-те жолчки, една по една, изладеното чоколадо и ванилиниот шеќер.

Брашното измешајте го со прашокот за печиво, па додадете го во смесата со лесно мешање. Додадете ја и слатката павлака, млекото и на крај белките кои ќе ги изматите како пена.

Во една тава распоредете ја смесата и печете ја кората на 180 степени околу 30 минути. Изладете ја кората и пресечете ја на два еднакви дела.

За кремот измиксирајте го крем сирењето со Нутелата, сечканите лешници и издробените наполитанки. Филувајте ја едната кора, па покријте со втората.

Чоколадото за глазурата истопете го на пареа и измешајте го со слатката павлака. Прелијте преку колачот.

Декорирајте по желба со уште лешници или рендано чоколадо.

М. Д. | Црнобело