Совршено јагнешко печење за вашата велигденска трпеза

Доколку сакате убаво печено, прекрасно зачинето и ароматично јагнешко месо за Велигден, потребно е да го следите овој едноставен рецепт кој и просечниот готвач ќе го трансформира во професионалец.

Нека вашата велигденска трпеза заблеска со прекрасно печено месо, а сите оние кои го издржале постот ќе бидат особено благодарни за овој превкусен оброк.

Потребно ви е:

• 1 полутка свежо јагнешко месо
• 1 чаша бело вино
• 1 чаша вода
• ½ чаша млеко
• 3 лажици сенф
• 2 лажици маслиново масло
• 2-3 млади лукчиња
• 1 лажица мајчина душица (свежа или сушена)
• 1 лажица рузмарин (свеж или сушен)
• 1 лажица мешан сув зачин
• Сол по вкус

Начин на подготовка:

1. Го премачкувате јагнешкото месо со сенф и маслиново масло од сите страни.

2. Се потопува во маринада од млеко, вино, ситно сечканите млади лукчиња и зачините и се остава да отстои една ноќ додека добро не ги впие сите состојки.

3. Заедно со маринадата се префрла во подлабок зад за печење, се додава 1 чаша вода и се покрива со капак или алуминиумска фолија.

4. Се пече во загреана рерна на 250˚С околу 40 минути, а потоа температурата се намалува на 200˚С уште минимум 20 минути.

5. При крајот проверувате дали месото е печено, капакот или фолијата се тргаат и бутот се остава уште 5 минути да зарумени, односно додека кората не стане крцкава.

(О)Милена | Црнобело