Четири слоја чоколадо - Тортата која од прво залче ќе ви стане омилена

Брза, лесна за подготовка, со цели 12 парчиња, оваа неверојатно вкусна торта содржи 4 различни слоеви со различни текстури, а ќе им стане омилена на сите кои сакаат декадентни слатки вкусови.

Време е да си засукате ракавите и да подготвите десерт кој апсолутно ќе го обожаваат сите!

Потребни состојки:

• 10 бисквити
• 150 gr шеќер + 3 лажици шеќер
• 40 gr какао во прав + 4 дополнителни лажици какао
• 14 лажици несолен путер
• 4 големи јајца
• 1 лажичка екстракт од ванила
• 60 gr брашно
• 480 ml полномасно млеко
• 1 лажичка сок од лимон
• 360 ml слатка павлака
• 2 лажици шеќер во прав

Начин на подготовка:

 1. Загрејте ја рерната на 180˚C и поставете хартија за печење врз садот за колачот.

 2. Во длабок сад помешајте ги истолчените бисквити, 3 лажици шеќер, 2 лажици какао и 6 лажици од омекнатиот путер додека смесата добро не се изедначи и не стане мазна и „чоколадна“. Префрлете ја смесата во садот и добро натапкајте ја на дното.

 3. Печете околу 10 минути во загреана рерна и оставете да се олади.

 4. Намалете ја температурата на 160˚C.

 5. Издвојте ги жолчките од белките на јајцата. Додадете 150 gr од шеќерот во жолчките и матете додека смесата не стане бледо жолта.

 6. Додадете ги останатите 8 лажици од омекнатиот путер и екстрактот од ванила и мешајте додека не се изедначат. Додадете го брашното и 40 gr какао во прав и измешајте добро. Полека додадете го млекото со постојано мешање, додека не добиете течна смеса.

 7. Почнете да ги матите белките од јајцата. Додадете го сокот од лимон и добро изматете со миксер. Додадете ја смесата од белките во онаа претходно подготвената (од жолчките).

 8. Истурете ја смесата брз онаа со кекс и печете околу 40 минути. Ќе забележите дека краевите се поиспечени, а средината е мека, како желатинеста.

 9. Оставете да се олади најмалку 1 час.

10. Изматете ја слатката павлака додека не го удвоите волуменот и додадете го преостанатите 2 лажици какао, како и шеќерот во прав. Истурете ја смесата како последен слој врз чоколадната торта. Дозволете да се олади, а потоа исечете 12 коцки и – уживајте во божествениот вкус.

За полесно разбирање на рецептот, погледнете го видеото:

(О)Милена | Црнобело